డెకాయిట్ సినిమా కోసం మృణాల్ తక్కువ రెమ్యూనరేషన్ తీసుకున్న కారణం

మృణాల్ ఠాకూర్ ఇప్పుడు టాలీవుడ్‌లో ఎంతో పేరు తెచ్చుకుంది. 'సీతారామం' నుంచి 'ఫ్యామిలీ స్టార్' వరకు చేసిన పాత్రలతో తెలుగు ప్రేక్షకులకు ఆమెను సొంతగా అనిపిస్తుంది. తాజాగా, అడివి శేష్‌తో కలిసి చేసిన 'డెకాయిట్' సినిమా కోసం మృణాల్ తీసుకున్న తక్కువ రెమ్యూనరేషన్ అందరినీ ఆశ్చర్యపరుస్తుంది. సాధారణంగా హీరోయిన్లు హిట్ పడిన తర్వాత రెమ్యూనరేషన్ పెంచుతారు. కానీ మృణాల్ మాత్రం భిన్నంగా చేసింది. 'డెకాయిట్' సినిమా కథ ఆమెకు ఎంతో నచ్చింది. కానీ మేకర్స్‌కు బడ్జెట్ సమస్యలు ఉండటంతో తక్కువ రెమ్యూనరేషన్‌కు ఒప్పుకుంది. తన కెరీర్‌లోనే 149 రోజుల కాల్ షీట్స్ ఇచ్చి మేకర్స్‌కు సహకరించింది. డబ్బు కోసం కాకుండా మంచి పాత్ర కోసం ఆమె చేసిన ఈ త్యాగం ప్రశంసలు పొందుతోంది. ఇందులో ఆమె 'సరస్వతి' అనే పవర్‌ఫుల్ పాత్ర చేసింది. గ్లామర్ మాత్రమే కాకుండా రిస్కీ సీన్స్ కూడా చేసింది. ముఖ్యంగా అంబులెన్స్ డ్రైవ్ చేసే సీన్స్ ఆమెకు పెద్ద సవాల్. వాహనానికి హ్యాండ్ బ్రేక్ లేకపోయినా, ప్రాణాలకు తెగించి నటించింది. ఛేజింగ్ సీన్స్ చూసి ఆమె ఎంత కష్టపడి ఉందో అర్థమవుతుంది. షూటింగ్ సమయంలో యూనిట్ మృణాల్‌ను జాగ్రత్తగా చూసుకుంది. బురదలో పడి నటించాల్సిన సీన్‌లో చాక్లెట్‌ను వాడి ఆమె ఫేస్ పాడవకుండా చూసుకున్నారు. 'తక్కువ రెమ్యూనరేషన్‌తో రెండు సినిమాలు (తెలుగు, హిందీ) చేసిన ఫీలింగ్ కలిగింది' అంటూ మృణాల్ సరదాగా చెప్పింది. దర్శకుడు షానియల్ పనితీరుపై మృణాల్ ప్రశంసించింది. ఈ నెల 10న విడుదలైన 'డెకాయిట్' సినిమా మంచి విజయం సాధించింది. ఈ సినిమాలో అడివి శేష్ 'హరి', మృణాల్ 'సరస్వతి' పాత్రలో నటించారు. వీరిద్దరూ డెకాయిట్స్‌గా ఎందుకు మారాల్సి వచ్చిందో ఆసక్తికరమైన పాయింట్‌తో సాగే ఈ లవ్ స్టోరీ ప్రేక్షకులను ఆకట్టుకుంటోంది. మంచి సినిమా చేయాలనే ఉద్దేశంతో రెమ్యూనరేషన్ పక్కన పెట్టి మృణాల్ చేసిన ఈ ప్రయోగం ఫలించింది. తెలుగు ప్రేక్షకులు తనను 'తెలుగు అమ్మాయి'గా భావించడం తనకెంతో గర్వంగా ఉందని మృణాల్ చెప్పింది.